IRAGARPENA ETA ASTEBURUKO JOERA

2013-02-07rako Iragarpena:

Ostegunerako iragarpena

Negu giroa, baino arinago. Goizean oraindik aurreko eguneko inertziekin jarraituko dugu, hau da, euria eta elurrarekin, gainera goizean nahiko behean egingo du, 300m inguruan. Eguerdirako nahikoa arinduko du baina arratsaldetik aurrera berriz ere ezegonkortasuna gehituko da eta zaparradetarako joera handituko da. Elurra gauean 600m-tik gora egingo du. Tenperatura maximoak 5-8ºC artekoak izango dira.

2013-02-08rako Iragarpena:

Ostiralerako iragarpena

Negu giroa, berriz ere. Euria barra-barra berriz ere denean, batez ere ipar partean. Ekaitzetarako joera ere egongo da, kazkabar eta guzti. Elurra ere egingo du, hasieran 600m inguruan eta egunaren amaierarako 400m-tara jeitsiko da. Haizeak iparretik joko du. Tenperatura maximoak 5-9ºC artekoak izango dira.

Asteburuko joera:

Asteburuko joera

IRAGARPENA

2013-02-05erako Iragarpena:

Astearterako iragarpena

Aldaketa arratsaldean. Goizean sirimirarekin jarraituko dugu ipar partean, hegoaldean aldiz, zeru hodeitsu eta ostarteekin. Tenperaturak astelehenekoaren parekoak izango dira egunaren lehen partean, baina eguerdian haizeak iparrera biratzean indartu egingo da eta hodeitza ekarriko digu denera. Euria geroz eta gogorragoa izango da, eta egunaren amaieran trumoiak jo dezake. Tenperatura nabarmen hasiko da jeisten eta horrekin batera elur maila, egunaren amaieran 700m inguruan zurituz.

2013-02-06rako Iragarpena:

Asteazkenerako iragarpena

Negu giro petrala. Berriz ere negu itxura hartuko du egunak. Hasieratik euria nonahi, ekaitzak eta kazkabarra izango dugu, ipar haize petralak lagunduta. Hoztu ere egingo du nabarmen eta honekin batera elur maila jeitsi egingo da egunean zehar, azken orduan 200-300m-ra kokatuz ekialdean eta 400-500m ingurura mendebaldean. Itsasoa ere oso zakar ibiliko da eta olatu handiak altxaraziko ditu.

ASTEBURUKO IRAGARPENA

2013-02-02rako Iragarpena:

Larunbateko iragarpena

Negu giroa. Aldaketa nabarmena izango dugu, bai zeruan eta tenperaturan. Goizean goizetik euria egingo du lurralde guztian, euri ertaina. Gainera euriaz gain kazkabarra eta ekaitzak izan genitzake kantauri isurialdean. Tenperatura egunean zehar beheraka. Elur maila hasieran 900m tara egongo da kokatua baina egunaren amaierarako 300m-taraino jeitsiko da. Ekialdean egongo da elur maila baxuen, Nafarroa ekian eta Xiberuan 200-300m ingurura egingo du elurra. Mendebaldean aldiz 400-500m tan. Haizeak iparraldetik nahiko zakar joko du. Iluntzerako arinduko du zerbait, baina prezipitazioarekin jarraituko dugu.

 2013-02-03rako Iragarpena:

Iganderako iragarpena

Eguerditik aurrera hobekuntza, baina hotz. Goizean oraindik eta batez ere mendebaldean prezipitazioarekin jarraituko dugu. elur maila 300-400m inguruan izango dugu hasieran baina egunak aurrera egin ahala prezipitazioa desagertu eta elur maila 1000m taraino igoko da. Tenperaturak 6-9ºC artekoak izango dira maximoak eta gauean izotza egingo du, gogorrenak Nafarroan.

IRAGARPENA

Ondorengo orduetan

Ondorengo orduetarako iragarpena

Negu giroa. Negu giroarekin jarraituko dugu ondorengo orduetan lurralde osoan. Goizean zehar elur maila 300-400m ingurura egon da ia lurralde osoan, baina eguerdetik aurrera igotzen hasiko da, azken orduan 600-700m-tara kokatuz. Goizean oraindik kazkabar eta trumoi zaparradak izan genitzake, baina arratsalderako hauek ere desagertu egingo dira, nahiz eta euriarekin jarraituko dugun. Tenperatura maximoak 5-9ºC artean kokatuko dira.

2013-01-24rako Iragarpena;

Biharko iragarpena

Fresko eta euria. Elurra mendian. Egun euritsua espero dugu biharkoa. Denean egingo du euria baina batez ere ipar partean. Tenperatura hotza izango dugu, eta elur maila gauean 600-700m inguruan izango bada ere, egunean zehar igo egingo da 1000m ingururaino, beraz elurra mendian egingo du. Tenperaturak aurreko egunarekin alderatuz 1-2ºC egingo dute gora eta altuenak 6-11ºC artean kokatuko dira. Iluntzerako prezipitazioa gutxitu egingo da nabarmen.

2013-01-25erako Iragarpena

Ostiralerako iragarpena

Egun egonkor eta freskoa. Eguzkia ikusteko aukera izango dugu. Goizean goiz oraindik hezetasuna handia izango dugu eta euri txikia egin lezake ipar partean, batez ere ipar euskal herrian. Beste toki askotan behe lainoa ere agertuko da. Eguerdirak jasoko du eta eguzkia ikusi ahal izango dugu denean. Ipar partean hodeiak eta ostarteak izango ditugu eta hegoaldean aldiz zeru oskarbia. Tenperatura maximoak 8-13ºC artekoak izango dira, minimoak aldiz ez dira ia aldatuko

IRAGARPENA

2013-01-22rako Iragarpena

Gaurko iragarpena

Giro petrala, haizea eta hotzagatik batez ere. Haizetsu hasi dugu eguna, eta zerua oso hodeitsu dago denean eta tarteka zaparradak ari gara izaten, batez ere hegoaldean. Egunak antzera jarraituko du ondorengo orduetan. Baliteke iluntzetik aurrera prezipitazio hauek ugariagoak izatea denean. Tenperatura jeisten joango da eta honekin elur maila, 700metrotatik 300metrotara jeitsiz. Tenperatura maximoak 6-9ºC artean kokatuko dira.

2013-01-23rako Iragarpena:

Biharko iragarpena

Negu giroarekin jarraituko dugu. Bihar ere hotza eta prezipitazioa izango dugu nagusiki. Gaur baino prezipitazio gehiago egingo du, baina tenperaturak gaurkoaren nahiko antzekoak izango dira, maximoak 6-9ºC artean kokatuz. Elur maila egunaren hasieran 300m inguruan egongo da kokatua baina eguerditik aurrera igotzen hasiko da eta 600-700m taraino igoko da.

IRAGARPENA

2013-01-16rako Iragarpena

Asteazkenerako iragarpena

Baretuko du erasoaldiak, baina euria oraindik. Beste egun bustia bat. Euria bustiaren gainean, baina ez du aparteko arazorik eragingo. Berriz ere, gipuzkoa, nafarroa ipar eta iparraldean egingo du euri gehien. Arratsaldetik aurrera arintzen doala igarriko dugu. Tenperaturak apur bat gora egingo duenez elur maila ere igoko da. Nafarroan elurra urtzen joango denez, ibaiek oraindik arazotxoak eragingo dituzte. Tenrpratura maximoak 7 eta 11ºC artean ibiliko dira.

2013-01-17rako Iragarpena:

Ostegunerako iragarpena

Goizean prezipitazioa oraindik, hobekuntza arratsaldean. Barealdia. Prezipitazioa geratuko da eta zeru urdina ikusi ahal izango dugu arratsaldean. Goizean oraindik ipar isurialdean prezipitazioa izango dugu. Gainera freskatuko duenez, elur maila goizean 600m inguruan ibiliko da ekialdean eta 900m inguruan mendebaldean. Arratsalderako denean ateri. Tenperatura maximoak zertxobait jeitsiko dira, 7-9ºC artean kokatuz.

IRAGARPENA

2013-01-15erako Iragarpena:

Astearterako iragarpena

Euria erruz, haize gogorra eta piriniotan elur asko. Prezipitazio gogorra eta haizea izango dira egunaren ezaugarriak. Goizean goizetik egingo du euria gogor, batez ere kantauri isurialdean eta ez da ia egun guztian geratuko. Tenperatura freskoak izango ditugu oraindik eta horregaitik mendebaldean elurra 1000m inguruan egingo du, ekialdean aldiz 800metrotara. Elurra egiten duen tokietan geruza oso handia pilatzea espero da. Haizeak ipar-mendebaldetik joko du, zakar edo oso zakar kostaldean, mendi-inguruetan eta haizeguneetan. Tenperatura maximoak 5-9ºC artekoak izango dira. Ibaiei begira egon beharko dugu, aurreko egunetako prezipitazioek eta izango ditugunek emaria asko igo dezakete eta pentsatzekoa da arazoak izango direla hainbat tokitan

Ibaiei jarraipena egiteko klikatu hemen

Bihar eta etziko abisu meterologikoak ikusteko berriz, klikatu hemen

2013-01-16rako iragarpena:

Asteazkenerako iragarpena

Zertxobait baretuko duen arren oraindik arriskutsua izango da egoera: Berriz ere prezipitazioa erruz izango dugu lurralde osoan, batez ere ipar-partean. Nahiz eta aurreko egunean baino gutxiago egitea espero den, lurra saturatua egongo da eta tenperatura lehuntzeak ekarriko duen elur urtzeak ibaiei begira egotea behartuko gaitu berriz ere. Elur maila 1400m inguruan egongo da mendebaldean eta 1200m inguruan ekialdean. Elur asko pilatuko da berriz ere pirinioetako tontorretan. Tenperatura maximoak 7-11ºC artean ibiliko dira eta minimoak 2-8ºC artean.

IRAGARPENA eta ASTEKO JOERA

2013-01-14rako Iragarpena:

Astelehenerako iragarpena

Negu giro betea: Goiza izango da momenturik hotzena, eta prezipitazio dezente espero denez goizerako, elurretan egingo du leku eta mendate askotan, batez beste 500m-tik gora. Trumoi eta kazkabar ekaitzak ere izango ditugu kantauriar isurialdean. Prezipitazioa denera zabalduko da, baita nafarroako erriberara ere. Arratsalde gaurako elur maila 700-800m ingurura igotzea espero da. Tenperatura maximoak 5-8ºC artekoak ia lurralde osoan.


2013-01-15erako Iragarpena

Astearterako iragarpena

Euri asko eta hotz.  Euria egiten jarraituko du, eta dezente pilatuko da egun guztian zehar, batez ere, Gipuzkoa, Nafarroa eta Iparraldean. Tenperatura 1-2ºC igoko da aurreko egunarekiko eta honekin batera elur maila ere, 800m kokatuz goizean eta 1000m inguruan arratsaldean.


Asteko joera meteorologikoa

Asteko eguraldi joera

IRAGARPENA ETA ASTEBURUKO JOERA

2013-01-10erako Iragarpena

Ostegunerako iragarpena

Hodeiak ugaritzen. Goiza ez da aurreko egunetan bezain freskoa izango, eta horren erantzule izango dira aurreko egunetik ugaritzen joan ziren lainoak. Ostegunean zehar ere ugaritzen jarraituko dute eta egunaren amaierarako zerua ia erabat estalia utziko dute ipar partean. Arratsaldetik aurrera haizeak ipar-mendebaldetik joko duenez, hezetasuna handituko da eta zaparrada txikiren bat espero genezake kantauri isurialde inguruan.

2013-01-11rako Iragarpena

Ostiralerako iragarpena

Berriz ere eguraldi polita, aldaketaren atarian. Goiza behe laino eta lainoekin hasiko dugu leku askotan, gaua izarratu harrapatzen duen tokitan izotza egingo du. Eguerdirako lainoak desagertu eta giro eguzkitsua izango dugu. Egunaren amairerarako goi hodeiak agertzen hasiko dira, datorkigun aldaketaren seinale.

Asteburuko joera meterologikoa

Asteburuko eguraldi iragarpena

IRAGARPENA

2012-12-11rako Iragarpena

Astearterako iragarpena

Ipar partean hodeitsu, argi hegoan. Frantziatik datorren fronte txiki bat hurbilduko da gurera bihar. Zerua estaliko du ipar partean eta euri txikiren bat utzi dezake han hemenka, baina garrantzirik gabekoa. Elurra, 900m inguruan egingo du ipar euskal herriko tontorretan eta 1100m-tara mendebaldeko mendietan. Hegoaldean giro argia. Hotz denean, tenperatura maximoak 10ºC-tik behera, kontinenteko haize hotzaren eraginez.

2012-12-12rako Iragarpena:

Asteazkenerako iragarpena

Eguzkia eta hotza nagusi. Behe laino eta izotzarekin hasiko dugu eguna. Izotz galanta botako du, bereziki barnealde eta mendialdean. Eguerdirako behe lainoak jasota ez du askorik berotuko, maximoak 10ºC-tik behera lurralde osoan. Iluntzean hego haizea sartuko da eta aurreko egunetan baino gutxiago freskatuko du.

IRAGARPENA ETA ASTEKO JOERA

2012-12-10erako Iragarpena

Asteleheneko iragarpena

Antizikloi egoera. Eguna behe-lainoarekin eta izotzarekin hasiko dugu, beraz, hotz. Eguerdirako behe-lainoak desagertuko dira, baina tenperaturak ez du askorik goxatuko, tenperatura maximoak 11ºC-tik behera geldituko baitira. Iluntzerako hodei batzuk sartuko dira kostaldetik, batez ere, lurraldearen mendebaldera.

2012-12-11rako Iragarpena

Egoera egonkorra, hodei gehiagorekin. Mendebaldean nahiko hodeitsua izango da eguna, ipar ekialdeko haizeak ekarriko dituen lainoen eraginez, ekialdean eguzkitsuago. Baliteke mendebaldean tantaren bat edo beste erortzea, baina garrantzirik gabeko izango da. 1000m inguruan egingo du elurra. Giroa hotz egongo da. Lurralde osoa 10ºC-tik behera.

Asteko joera meteorologikoa:

Asteko eguraldi joera

IRAGARPENA eta ASTEBURUKO JOERA

2012-12-06rako Iragarpena

Ostegunerako iragarpena

Egonkortzen. Goizean oraindik zaparradaren bat edo beste izan dezakegu, batez ere ipar euskal herrian. Gainontzeko lekuetan hotz hasiko dugu eguna, behe laino eta izotzarekin. Orduak aurrera egin ahala zerua nahiko garbi geratuko da, baina maximoak ez dira askorik igoko. Iluntzean berriz ere dezente freskatuko du.

2012-12-07rako Iragarpena

Ostiralerako iragarpena

Okertzen. Eguna hego mendebaldeko haizearekin hasiko dugu eta hodeiak eta ostarteak tartekatuko dira zeruan. Eguerditik aurrera haizeak ipar mendebaldera biratuko du eta hodeiak iristen hasiko dira. Euria egiten hasiko du, batez ere ipar partean eta mendebaldetik hasita. Eguaerdiko tenperatura epelak, jeisten hasiko dira. Egunaren amairarako elur maila 1500 m-an egongo da.

Astebururako joera

Astebururako joera

IRAGARPENA

2012-12-05erako Iragarpena

Asteazkenerako iragarpena

Ezegonkortasun giroa. Goizean goizetik zaparradak izango ditugu lurraldearen ipar-partean. Zaparrada hauek nekez iritsiko dira hegoaldera. Euri gehien kantauri isurialdeko mendietan eta ipar euskal herrian egingo du, gainera goizean kazkabarra eta trumoia ere izan dezakegu. Arratsalderako arintzeko joera hartuko du aroak. Tenperaturak aurreko eguneko antzekoak izango dira eta elur maila 800-1000m inguruan kokatuko da, 800m-tara goizaldean.

2012-12-06rako Iragarpena

Ostegunerako Iragarpena

Egonkor. Goizaldean oraindik zaparradaren bat edo beste izan genezake, batez ere ekialdean eta ipar euskal herrian, baina ia denean zeru garbiekin hasiko dugu eguna. Ohiko tokietan behe lainoa izango dugu eta barnealdean, mendi inguruetan eta Pirinioetan izotza. Orduek aurrera egin ahala eta behe-lainoak jasotakoan, giro eguzkitsua izango dugu, baina hala ere hotz egingo du. Tenperatura minimoak zertxobait jeitsiko dira eta maximoak mantendu.

Elurraren inguruko informazio gehiago nahi baduzu, klikatu hemen: Elur iragarpena.

IRAGARPENA

2012-12-04rako Iragarpena

Astearterako iragarpena

Ezegonkortasuna. Itsasotik etorriko den fronte hotz batek ezegonkortasuna ekarriko digu lurralde osora. Goizean goizetik euria izango dugu mendebaldean eta ekialderantz joango da zabaltzen. Euri ertaina egingo du ipar partean, gutxiago hegoaldean. Arratsalderako trumoi hotsak eta kazkabarra izan genezake, batez ere ipar partean eta bereziki ipar euskal herrian. Tenperaturak beheranzko joera hartuko du, maximoak 9-12ºC artean kokatuko dira. Elur mailak ere behera egingo du, 1200m-tik 900m-tara jeitsiz.

2012-12-05erako Iragarpena

Asteazkenerako iragarpena

Ezegonkortasunarekinjarraituko dugu. Zaparradak izango ditugu egun guztian zehar batez ere ipar partean eta bereziki goizean. Arratsaldetik aurrera, prezipitazioen maiztasuna gutxitzen joango da, baita intentsitatea ere, eta azken ordurako mendebaldetik argitzen joango da. Tenperaturak egonkor mantenduko dira eta elurra 1000m-tik gora egingo du.

IRAGARPENA

2012-11-30erako iragarpena:

Ostiralerako iragarpena

Hotz, baina egonkorrago. Ezegonkortasuna ia erabat desagertuko da. Goizean oraindik zaparradaren bat edo beste izango dugu ipar partean, batez ere Bizkaia  eta Araba iparrean. Gainontzean, zeruan hodeiak eta ostarteak izango ditugu eta Nafarroako erriberan oskarbi egongo da. Giroa hotza izango da. Goizean izotza izango dugu barnealdeko zenbait puntutan eta arratsaldean maximoa 5-8ºC artekoak izango dira. Elurraren maila 500m inguruan egongo da baina apenas egingo du elurrik.


2012-12-01erako iragarpena:

Larunbaterako iragarpena

Hotz eta eguzkitsu. Goiza behe-laino eta izotzarekin hasiko dugu, orduak aurrera egin ahala, nahiz eta eguzkiari berotzea kosta, behe-lainoak jasoko du eta zeruan hodeiak eta ostarteak izango ditugu. Nafarroa hegoan oskarbi egongo da. Iluntzean lainoak ugaritzen hastea espero da, fronte bat gerturatzen hasiko zaigulako. Tenperatura minimoak jeitsi egingo dira eta maximoak zertxobait igo.

2012-12-02rako iragarpena

Iganderako iragarpena

Busti eta fresko. Mendebaldetik sartuko da frontea, eta goizean goizetik izango dugu euria bertan. Gainontzean goiza freskoa izango da baina azkar lainotuko du. Denean egingo du euria, gogorren ipar-partean. Elurra 1100m inguruan egingo du, baina baliteke frontea sartzen den unean beheragoko lekuetan ere egitea. Tenperatura zertxobait epelduko da, baina fresko egingo du oraindik.

IRAGARPENA eta ASTEBURUKO JOERA

2012-11-29rako Iragarpena:

Ostegunerako iragarpena

Negu giro ezegonkorrarekin jarraituko dugu. Goizean goizetik, aurreko egunean bezala, zaparrada mardulak, kazkabarra eta tximistak. Hegoaldera ere iritsiko da euria, baina zaparrada txikiagoak eta tartekatuagoak izango dira. Arratsaldean litekeena da zertxobait arinduko duela. Tenperaturak beste koska bat gehiago egingo dute behera, maximoak 5-8ºC artean kokatuz. Honekin batera elur maila ere jeitsiko da, eta 600m-tik gora elurra egingo du.

 2012-11-30erako Iragarpena:

Ostiralerako iragarpena

Hotz, ezegonkortasun txikiagoarekin. Zertxobait arindu duela igarriko dugu. Zaparradekin jarraituko dugu, bain hauek tartekatuagoak eta txikiagoak izango dira. Eguerditik aurrera poliki-poliki eta ekialdetik hasita atertzera egingo du. Gauerako ia denean atertuko du. Tenperaturak oraindik beste koska bat behera egingo dute eta honekin batera elur mailak, hau, 500mi inguruan kokatuko delarik.

Asteburuko joera meteorologikoaren aurrerapena

Asteburuko joera

• Elur iragarpenaren inguruan informazio gehiago nahi baduzu, bisitatu: elur iragarpena

• San Andres feria egunetarako (Azkoitia, Eibar, Lizarra) informazio gehiago nahi baduzu, bisitatu: egun berezietarako iragarpenak

IRAGARPENA

2012-11-28rako Iragarpena:

Asteazkenerako iragarpena

Negu giro betean. Kantauri itsasotik sartuko den lainotzak, euria utziko digu lurralde osoan. Gainera lurralde osoan bustiko du, baina batez ere ipar isurialdean. Ipar isurialdean euri ertaina egingo du tarteka kazkabarra eta tximistekin, hegoaldean aldiz, zaparradak txikiagoak eta tartekatuagoak izango dira. Tenperaturek beste koska bat behera egino dute eta maximoak 6-9ºC artean kokatuko dira. Elur maila 800m inguruan egongo da kokatua baina beherago ere ikusi ahal izango dugu tarteka prezipitazio solidoa.

2012-11-29rako Iragarpena:

Ostegunerako iragarpena.

Negu giroan. Aroak berdin jarraituko du. Ostegunean aldaketa txiki batzuk egongo dira, Nafarroa hegoaldean ia prezipitaziorik ez baitu egingo. Gainontzean berdintsu, zaparradak, trumoi eta txingorrarekin kasu batzueta, batez ere ipar partean. Tenperaturake beste koska bat egingo dute behera eta maximoak 5-8ºC artean kokatuko dira lurraldearen zati handienean. Elur mailak ere koska bat egingo du behera.

• Elur-iragarpenaren inguruko informazio gehiego nahi baduzu, bisitatu: Elur iragarpena.

• Ostiraleko San Andres feria egunerako (Eibar eta Azkoitia) iragarpen berezia nahi baduzu, bisitatu: Iragarpen bereziak

IRAGARPENA

2012-11-27rako Iragarpena:

Astearterako iragarpena

Negu giroa. Goizean goizetik zaparradak eta aterruneak tartekatuko dira. Zaparrada hauek ipar partean emango dira batez ere eta gutxiago hegoaldean eta Nafarroako erriberara ez dira iritsiko. Zaparradekin batera, ekaitzak eta kazkabarra ere izan dezakegu, kantauri isurialdean. Tenperaturak beheranzko joerarekin jarraituko dute eta maximoak 9-6ºC artean kokatuko dira. 800m-tik gora elurra egingo du.

2012-11-28rako Iragarpena:

Asteazkenerako iragarpena

Negu giro gordinagoa. Fronte batek lurraldea zeharkatuko du eta aurreko egunetan baino euri gehiago izango dugu lurralde osoan. Ipar partean euri ertaina izango dugu, tarteka kazkabarra eta tximistekin batera. Zenbat eta hegoalderago joan euria txikiagoa eta tartekatuagoa izango da, baina denean bustiko du. Tenperaturek beste koska txiki bat egingo dute behera, eta hoztearen eraginez elurra 700m ingurura izango dugu.

Elur iragarpenaren inguruko informazio gehiago nahi baduzu, klikatu hemen: elur iragarpena

IRAGARPENA ETA ASTEKO JOERA

2012-11-26rako Iragarpena:

Astelehenerako iragarpena

Negu giroan sartzen. Fronte hotz batek zeharkatuko du Euskal Herri osoa eta negu giroa izango dugu. Goizean-goizetik zerua hodeitsu egongo da lurralde osoan eta euria egingo du denean. Euri ertaina egingo du ipar partean eta euri txikia hegoaldean. Kazkabarra eta ekaitzen bat ere izan dezakegu arratsaldetik aurrera batez ere ipar partean. Tenperaturak beherako bidea hartuko du eta honekin batera elur mailak. Bihar lehen orduetan 1500m inguruan egingo du elurra eta iluntzerako 1000m-raino jeitsiko da. Tenperatura maximoak 10-14ºC artean kokatuko dira.

2012-11-27rako Iragarpena:

Astearterako iragarpena

Negu giro betean. Ipar mendebaldeko haizeak, hodeitza ekartzen jarraituko du gure lurraldera. Zaparrada mardulak izango ditugu, txingor eta ekaitzarekin ipar partean. Arratsaldetik aurrera, zaparrada hauek tartekatuagoak eta arinagoak izango dira, eta hegoaldean atertu egingo du. Tenperaturak beheranzko joerarekin jarraituko dute, eta honekin batera elur-mailak, 700-800m ingurura kokatuko baita. Tenperatura maximoak 6-9ºC artean kokatuko dira.

Asteko joera meteorologikoa

Asteko joera meteorologikoa

Elur iragarpenaren inguruko informazio gehiago nahi baduzu klikatu hemen: Elur iragarpena

Astebururako iragarpena

2012-11-10erako Iragarpena:

Larunbaterak iragarpena

Fronte hotz baten bisita. Eguna hego-mendebaldeko haizearekin hasiko dugu, tenperatura epelak eta zaparradatxoak han hemenka, aurreko egunetako antzera. Baina eguerditik aurrera, atlantikotik datorren fronte hotz baten bisita izango dugu. Haizea ipar-mendebaldekoa izango da eta euria nonahi egingo du. Euri gehien ipar partean egitea espero da. Tenperaturak beherakada nabarmena izango dute frontea sartzearekin batera eta horrekin batera elur-mailak, egunaren amaierarako 1300m tik gora elurra egingo baitu.

Baionako manifestazioarako iragarpen berezia ikusteko sakatu, hemen: Baionarako iragarpena

2012-11-11rako Iragarpena:

Iganderako iragarpena

Giro euritsua eta freskoa. Larunbateko frontearen hondarrak geratuko zaizkigu oraindik. Goiza euritsua izango da eta euri ertaina egingo du lurraldearen ipar-partean (Lapurdi, Baxenafarroa, Xiberua, Nafarroa iparrean, Gipuzkoan eta Bizkaian). Arratsaldetik aurrera eta poliki, arintzera egingo du mendebaldetik. Erriberan eta Nafarroa ekialdean apenas espero da euririk. Tenperaturak hotzak izango dira eta elur maila eguerdi ingururako 900m inguruan kokatuko da.

Behobia Donostia lasterketarako eguraldi iragarpen berezia ikusteko sakatu, hemen: Behobia Donostia lasterketa