IRAGARPENA

2013-01-22rako Iragarpena

Gaurko iragarpena

Giro petrala, haizea eta hotzagatik batez ere. Haizetsu hasi dugu eguna, eta zerua oso hodeitsu dago denean eta tarteka zaparradak ari gara izaten, batez ere hegoaldean. Egunak antzera jarraituko du ondorengo orduetan. Baliteke iluntzetik aurrera prezipitazio hauek ugariagoak izatea denean. Tenperatura jeisten joango da eta honekin elur maila, 700metrotatik 300metrotara jeitsiz. Tenperatura maximoak 6-9ºC artean kokatuko dira.

2013-01-23rako Iragarpena:

Biharko iragarpena

Negu giroarekin jarraituko dugu. Bihar ere hotza eta prezipitazioa izango dugu nagusiki. Gaur baino prezipitazio gehiago egingo du, baina tenperaturak gaurkoaren nahiko antzekoak izango dira, maximoak 6-9ºC artean kokatuz. Elur maila egunaren hasieran 300m inguruan egongo da kokatua baina eguerditik aurrera igotzen hasiko da eta 600-700m taraino igoko da.

IRAGARPENA ETA ASTEBURUKO JOERA

2012-12-20rako Iragarpena

Ostegunerako iragarpena

Hego mendebaldeko haize zakarra eta hodeitsu zaparrada batzuekin. Goizaldetik hasita, hego mendebaldeko haizeak gogor joko du Euskal Herrian. Hodeitza ekarriko digu hego mendebaldetik eta zaparradaren bat edo beste utziko digu nonahi, batez ere iluntzetik aurrera. Tenperatura epel ibiliko da, maximoak 13-18ºC artekoak izango dira.

2012-12-21erako Iragarpena

Ostiralerako iragarpena

Fronte bero baten bisita. Goizaldean, hego mendebaldetik fronte bat sartuko zaigu eta euria utziko digu lurralde osoan. Arratsaldetik aurrera ater uneak geroz eta luzeagoak izango dira eta iluntzerako euria egiteari utziko dio. Tenperatura ere oso epel egongo da, maximoak 13-17ºC artean kokatuz. Hego mendebaldeko haizea, aurreko egunetan baino lasaiago baina oraindik bizi.

Bilbo eta Donostiako San Tomas ferietarako iragarpen bereziak: Iragarpen bereziak

Asteburuko joera

Asteburuko aurrerapena

Arrasateko San Tomas feriarako iragarpen berezia: Iragarpen bereziak

Iragarpena

2012-11-06rako Iragarpena:

2012-11-06rako Iragarpena

Asteartea nahiko hodeitsua izango da ipar partean. Zaparrada tartekatuak botako ditu kantauri isurialdean. Gainera Gipuzkoa ekialdean, Nafarroa iparrean eta Lapurdi, Baxenafarroa eta Zuberoan prezipitazio hauek iraunkorrak izan daitezke. Hegoaldera nekez iritsiko da prezipitazioa. Hemen hodeiak eta ostarteak tartekatuko dira. Tenperaturak aurreko egunekoak baino 2-3ºC beherago kokatuko dira. Honekin batera elur maila ere jeitsiko da eta 1200m inguruan kokatuko da. Haizea bizi ibiliko da ipar-mendebaldetik.

 2012-11-07rako Iragarpena:

2012-11-07rako Iragarpena

Goiza behe lainoarekin hasiko dugu ohiko tokietan, hau da, kantauri isurialdeko haran estuetan, Arabako lautadan, Sakanan eta Iruñerrian. Orduak aurrera egin ahala jaso egingo du eta hodeiak eta ostarteak izango ditugu. Arratsaldetik aurrera, hego-ekialdeko haizearen eraginez goi hodeiek zerua zikinduko dute ipar partean eta hegoaldean ia erabat lainotuko du. Gainera azken orduan zaparradaren bat edo beste bota dezake, batez ere, Erriberan. Tenperatura minimoak jeitsi egingo dira eta izotz txikia egingo du pirinioetan eta zoko hotzenetan. Tenperatura maximoak aldiz aurreko egunetako antzekoak. Iluntzean ez du horrenbeste hoztuko.

Iragarpena

2012-11-04rako Iragarpena:

Euskal Herrirako 2012-11-04rako eguraldi iragarpena

 Irlandako borraska sakonak fronte bat bidaliko digu, ondorioz zerua estalita eta euria egingo du lurralde osoan. Ipar partean zaparradak mardulagoak izango dira, eta zenbat eta hegoalderago zaparrada txikiagoak eta tartekatuagoak. Tenperaturak beherantz egiten hasiko dira eta eta egunaren amaierarako fresko sentsazioa izango dugu. Haizea bizi ibilik da ipar-mendebaldetik.

2012-11-05erako Iragarpena

Euskal Herrirako 2012-11-05erako eguraldi iragarpena

Igandeko frontea pasata, freskurarekin hasiko dugu eguna. Behe lainoa sortuko da ohiko tokietan, Arabako lautadan, Erriberan, Iruñerrian, Sakanan eta ohiko haranetan. Orduak aurrera egin ahala eguzkia berotzen hasiko da eta tenperatura maximo goxoak izango ditugu. Haizeak mendebaldetik joko du, aurreko egunetan baino mantsoago.