IRAGARPENA

2013-02-27rako Iragarpena:

Asteazkenerako iragarpena

Hobekuntza nabarmena. Goiza hotz handiarekin hasiko dugu. Izotz galanta botako du barnealdean eta ekialdean. Behe lainoa ere agertuko da ohiko tokietan, baina eguerdirako jasoko du eta urdingune zabalak izango ditugu zeruan. Tenperatura maximoak ere oraindik freskoak. Iluntzearekin batera tenperaturak ere denean jeitsiko dira berriz ere azkar.

2013-02-28rako Iragarpena

Osteguerako iragarpena

Hodeiak sartuko zaizkigu hegoaldetik. Goiza aurreko egunetan bezala hotz eta izotz kontuekin hasiko dugu, baina goizean goizetik, hegoaldetik hodeiak iritsiko zaizkigu eta zerua estaltzen joango dira. Eguerditik aurrera, hegoaldean nahiko estalia egongo da eta zaparrada arinen bat edo beste izan genezake. Iluntzerako hodei hauek ia lurralde osoa estaliko dute eta ez da harritzekoa izango edozein puntutan zaparrada arinen bat edo beste izatea. Gauean ez du horrenbeste hoztuko

IRAGARPENA ETA ASTEKO JOERA

2013-01-28rako Iragarpena:

Astelehenerako iragarpena

Frontea igarotzean giro atsegina, itsaso oso zakarra. Goizean oraindik frontearen azken zatia izango dugu gainean eta ekialdeari eragingo dio gehienbat, beraz prezipitazioa izango dugu oraindik batez ere ekialdean. Elur maila 900m inguruan izango da. Mendebaldetik argitzerako joera hartuko du eta poliki poliki argitze hau zabaltzen joango da ekialderantz. Tenperaturak igandekoak baino pixka bat baxuagoak izango dira, maximoak 10-14ºC artean kokatuz. Itsaso oso zakarra ibiliko da, Britaniar irletan dagoen depresio gune oso sakon baten eraginez, eta olatu handiak altxaraziko ditu. 

2013-01-29rako Iragarpena:

Astearterako iragarpena

Giro egonkorra. Eguraldi egonkorra izango dugu. Goiza behe lainoarekin hasiko dugu ohiko ibarretan, eta barnealdeko puntu askotan ere izotz puntua izango dugu. Eguerdirako eguzkiak zertxobait epelduko du eta maximoak 7-13ºC artekoak izango dira. Hodeiak eta ostarteak denean. Hego mendebaldeko haizea, haizeguneetan nahiko zakar ibiliko da.

Asteko joera meteorologikoa

Asteko eguraldi joera

IRAGARPENA ETA ASTEBURUKO JOERA

2013-01-10erako Iragarpena

Ostegunerako iragarpena

Hodeiak ugaritzen. Goiza ez da aurreko egunetan bezain freskoa izango, eta horren erantzule izango dira aurreko egunetik ugaritzen joan ziren lainoak. Ostegunean zehar ere ugaritzen jarraituko dute eta egunaren amaierarako zerua ia erabat estalia utziko dute ipar partean. Arratsaldetik aurrera haizeak ipar-mendebaldetik joko duenez, hezetasuna handituko da eta zaparrada txikiren bat espero genezake kantauri isurialde inguruan.

2013-01-11rako Iragarpena

Ostiralerako iragarpena

Berriz ere eguraldi polita, aldaketaren atarian. Goiza behe laino eta lainoekin hasiko dugu leku askotan, gaua izarratu harrapatzen duen tokitan izotza egingo du. Eguerdirako lainoak desagertu eta giro eguzkitsua izango dugu. Egunaren amairerarako goi hodeiak agertzen hasiko dira, datorkigun aldaketaren seinale.

Asteburuko joera meterologikoa

Asteburuko eguraldi iragarpena

IRAGARPENA

2013-01-09rako Iragarpena

Asteazkenerako iragarpena

Hodeiak eta ostarteak ipar partean, oskarbi hegoaldean. Ez dugu izango aurreko egunetako egonkortasun atmosferiko altua, eta ondorioz, hodeiak ugarituz joango dira ipar partean. Goiza baina, zeru nahiko garbiekin hasiko dugu, nahiz eta ohiko lekuetan behe-lainoa azalduko zaigun. Izotza ere egingo du barnealdean. Tenperatura maximoak 8-12ºC artean ibiliko dira.

2013-01-10erako iragarpena

Ostegunerako iragarpena

Hodeiak ugaritzen. Goiza ez da aurreko egunetan bezain freskoa izango, eta horren erantzule izango dira aurreko egunetik ugaritzen joan ziren lainoak. Ostegunean zehar ere ugaritzen jarraituko dute eta egunaren amaierarako zerua ia erabat estalia utziko dute ipar partean. Arratsaldetik aurrera haizeak ipar-mendebaldetik joko duenez, hezetasuna handituko da eta zaparrada txikiren bat espero genezake kantauri isurialde inguruan.

IRAGARPENA

2013-01-08rako Iragarpena

Astearterako Iragarpena

Kostaldeko lainoak desagertzen. Egunetan izan dugun lainoa kostaldean joango da. Goizean oraindik izango dugu, baina arratsalderako uxatuta egongo dira, beraz, eguzkiaz gozatu ahal izango dugu. Hegoaldean aurreko egunetako tankera, behe-lainoa eta izotza goizean eta eguzkitsu arratsaldean. Tenperatura maximoak 7-11ºC artekoak izango dira.

2013-01-09rako Iragarpena:

Asteazkenerako Iragarpena

Lainoak ugarituz, batez ere ipar partean. Ez dugu izango aurreko egunetako egonkortasun atmosferiko altua, eta ondorioz, hodeiak ugarituz joango dira ipar partean. Goiza baina, zeru nahiko garbiekin hasiko dugu, nahiz eta ohiko lekuetan behe-lainoa azalduko zaigun. Izotza ere egingo du barnealdean. Tenperatura maximoak 8-12ºC artean ibiliko dira.

IRAGARPENA ETA ASTEKO JOERA

2013-01-07rako Iragarpena

Asteleheneko iragarpena

Ipar parteko haranetan behe lainoa oraindik, eguzkitsu gainontzean. Bihar ere behe lainoa izango dugu ipar parteko haranetako leku baxuenetan. Bertan tenperatura minimoak freskoak izango dira 3ºC eta 6ºC artekoak eta maximoak ere nahiko hotzak, 7-10ºC artekoak. Gainontzeko lekuetan aldiz, eguzkitsua izango da eguna, goizeko behe laino eta izotzekin, baina ondoren tenperatura lehunekin, 12-13ºC

2013-01-08rako Iragarpena

Astearterako iragarpena

Eguzkitsu. Hego mendebaldeko haizeak, egunetan ipar isurialdeko haranetan izan dugun behe-lainoa uxatuko du. Goiza behe lainoarekin hasi genezake ohiko haranetan eta izotza ere izango dugu goizean. Ondoren eguzkiaz gozatuko dugu egunaren zati gehienean. Tenperatura maximoak 11-14ºC artekoak izango dira.

Asteko joera meteorologikoa

Asteko eguraldi joera

ASTEBURUKO IRAGARPENA

2013-01-05erako Iragarpena

Larunbateko iragarpena

Neguko egun antiziklonikoa. Eguna behe lainoarekin hasiko dugu haran askotan eta barnealdean izotza izango dugu protagonista goizean. Zerua oskarbi geratuko da eguerdirako eta tenperatura atseginak izango ditugu, altuenak 12-14ºC bitartekoak. Iluntzean berriz ere hoztuko du.

2013-01-06rako Iragarpena

Iganderako iragarpena

Aurreko egunetako berdina. Eguna, berriz ere, behe lainoarekin hasiko dugu haran askotan eta barnealdean izotza izango dugu protagonista goizean. Zerua oskarbi geratuko da eguerdirako eta tenperatura atseginak izango ditugu, altuenak 12-14ºC bitartekoak. Iluntzean berriz ere hoztuko du.

IRAGARPENA eta ASTEBURUKO JOERA

2013-01-03rako Iragarpena

Ostegunerako iragarpena

Behe lainoak eta fresko goizean, atseginago gero. Goiza behe lainoa eta freskurarekin hasiko dugu ohiko tokietan. Izotza ere egingo du, batez ere piriniotan eta barnealdeko toki ozpelenetan. Eguerdirako denean jasoko du eta arratsalde eguzkitsua geratuko zaigu. Ipar partean laino batzuk oraindik baina desagertzeko joera izango dut. Tenperatura maximoak 10-13ºC artekoak izango dira. Iluntzean tenperatura azkar eta asko jeitsiko da.

2013-01-04rako Iragarpena

Ostiralerako iragarpena

Oskarbi, goizean behe lainoa eta izotzarekin, azken hau barnealdean. Eguna behe lainoarekin hasiko dugu haran askotan eta beste leku askotan, barnealdean izotza izango dugu protagonista goizean. Zerua oskarbi geratuko da eguerdirako eta tenperatura atseginak izango ditugu, altuenak 12-14ºC bitartekoak. Iluntzean berriz ere hoztuko du.

Asteburuko iragarpenaren aurrerapena

Asteburuko iragarpena

ASTEBURUKO IRAGARPENA

2012-12-29rako Iragarpena

Larunbaterako iragarpena

Goizean garbi, hodeitsu eta zaparradak arratsaldez. Goiza hego haize zakar samarrarekin hasiko dugu. Zeruan hodeiak eta ostarteak izango ditugu (Goi hodeiak) eta tenperatura epela. Eguerdian haizea mendebaldera aldatu eta fronte bat iritsiko zaigu, zaparradak utziko dizkiguna. Denean botako du baina askorik ez. Iluntzerako mendebaldetik atertzen eta garbitzen joango da zerua eta hoztu egingo du.

2012-12-30erako Iragarpena

Iganderako iragarpena

Heze eta hotz goizean, argi eta epelago arratsaldean. Goizean oraindik mendebaldean aurreko eguneko frontearen arrastoak izango ditugu. Ekialdean aldiz, argiago egongo da, nahiz eta hainbat lekutan behe lainoa izango dugun. Barnealdeko leku askotan izotza egingo du. Eguerditik aurrera ia denean egongo da oskarbi eta 10-14ºC bitarteko tenperatura maximoak izango ditugu.

IRAGARPENA

2012-12-12rako Iragarpena:

Asteazkenerako iragarpena

Eguzkia eta hotza nagusi. Behe laino eta izotzarekin hasiko dugu eguna. Izotz galanta botako du, bereziki barnealde eta mendialdean. Eguerdirako behe lainoak jasota ez du askorik berotuko, maximoak 10ºC-tik behera lurralde osoan. Iluntzean hego haizea sartuko da eta aurreko egunetan baino gutxiago freskatuko du.

2012-12-13rako Iragarpena

Ostegunerako iragarpena

Hego haizearekin epeltzen. Hego haizearrekin zeruan hodeiak eta ostarteak izango ditugu. Goizean izotza izango dugu pirinio inguruan, eta freskoa izango da gainontzeko lekuaetan ere, baina aurreko egunetan baino epelagoa. Esan bezala, zeruan hodeiak eta ostarteak izango ditugu eta iluntzerako ugarituz joango dira lainoak. Eguerdian epelduko du eta tenperatura maximoak 11-15ºC artean kokatuko dira.

IRAGARPENA

2012-12-11rako Iragarpena

Astearterako iragarpena

Ipar partean hodeitsu, argi hegoan. Frantziatik datorren fronte txiki bat hurbilduko da gurera bihar. Zerua estaliko du ipar partean eta euri txikiren bat utzi dezake han hemenka, baina garrantzirik gabekoa. Elurra, 900m inguruan egingo du ipar euskal herriko tontorretan eta 1100m-tara mendebaldeko mendietan. Hegoaldean giro argia. Hotz denean, tenperatura maximoak 10ºC-tik behera, kontinenteko haize hotzaren eraginez.

2012-12-12rako Iragarpena:

Asteazkenerako iragarpena

Eguzkia eta hotza nagusi. Behe laino eta izotzarekin hasiko dugu eguna. Izotz galanta botako du, bereziki barnealde eta mendialdean. Eguerdirako behe lainoak jasota ez du askorik berotuko, maximoak 10ºC-tik behera lurralde osoan. Iluntzean hego haizea sartuko da eta aurreko egunetan baino gutxiago freskatuko du.

IRAGARPENA ETA ASTEKO JOERA

2012-12-10erako Iragarpena

Asteleheneko iragarpena

Antizikloi egoera. Eguna behe-lainoarekin eta izotzarekin hasiko dugu, beraz, hotz. Eguerdirako behe-lainoak desagertuko dira, baina tenperaturak ez du askorik goxatuko, tenperatura maximoak 11ºC-tik behera geldituko baitira. Iluntzerako hodei batzuk sartuko dira kostaldetik, batez ere, lurraldearen mendebaldera.

2012-12-11rako Iragarpena

Egoera egonkorra, hodei gehiagorekin. Mendebaldean nahiko hodeitsua izango da eguna, ipar ekialdeko haizeak ekarriko dituen lainoen eraginez, ekialdean eguzkitsuago. Baliteke mendebaldean tantaren bat edo beste erortzea, baina garrantzirik gabeko izango da. 1000m inguruan egingo du elurra. Giroa hotz egongo da. Lurralde osoa 10ºC-tik behera.

Asteko joera meteorologikoa:

Asteko eguraldi joera

IRAGARPENA eta ASTEBURUKO JOERA

2012-12-06rako Iragarpena

Ostegunerako iragarpena

Egonkortzen. Goizean oraindik zaparradaren bat edo beste izan dezakegu, batez ere ipar euskal herrian. Gainontzeko lekuetan hotz hasiko dugu eguna, behe laino eta izotzarekin. Orduak aurrera egin ahala zerua nahiko garbi geratuko da, baina maximoak ez dira askorik igoko. Iluntzean berriz ere dezente freskatuko du.

2012-12-07rako Iragarpena

Ostiralerako iragarpena

Okertzen. Eguna hego mendebaldeko haizearekin hasiko dugu eta hodeiak eta ostarteak tartekatuko dira zeruan. Eguerditik aurrera haizeak ipar mendebaldera biratuko du eta hodeiak iristen hasiko dira. Euria egiten hasiko du, batez ere ipar partean eta mendebaldetik hasita. Eguaerdiko tenperatura epelak, jeisten hasiko dira. Egunaren amairarako elur maila 1500 m-an egongo da.

Astebururako joera

Astebururako joera

IRAGARPENA

2012-12-05erako Iragarpena

Asteazkenerako iragarpena

Ezegonkortasun giroa. Goizean goizetik zaparradak izango ditugu lurraldearen ipar-partean. Zaparrada hauek nekez iritsiko dira hegoaldera. Euri gehien kantauri isurialdeko mendietan eta ipar euskal herrian egingo du, gainera goizean kazkabarra eta trumoia ere izan dezakegu. Arratsalderako arintzeko joera hartuko du aroak. Tenperaturak aurreko eguneko antzekoak izango dira eta elur maila 800-1000m inguruan kokatuko da, 800m-tara goizaldean.

2012-12-06rako Iragarpena

Ostegunerako Iragarpena

Egonkor. Goizaldean oraindik zaparradaren bat edo beste izan genezake, batez ere ekialdean eta ipar euskal herrian, baina ia denean zeru garbiekin hasiko dugu eguna. Ohiko tokietan behe lainoa izango dugu eta barnealdean, mendi inguruetan eta Pirinioetan izotza. Orduek aurrera egin ahala eta behe-lainoak jasotakoan, giro eguzkitsua izango dugu, baina hala ere hotz egingo du. Tenperatura minimoak zertxobait jeitsiko dira eta maximoak mantendu.

Elurraren inguruko informazio gehiago nahi baduzu, klikatu hemen: Elur iragarpena.

IRAGARPENA

2012-11-30erako iragarpena:

Ostiralerako iragarpena

Hotz, baina egonkorrago. Ezegonkortasuna ia erabat desagertuko da. Goizean oraindik zaparradaren bat edo beste izango dugu ipar partean, batez ere Bizkaia  eta Araba iparrean. Gainontzean, zeruan hodeiak eta ostarteak izango ditugu eta Nafarroako erriberan oskarbi egongo da. Giroa hotza izango da. Goizean izotza izango dugu barnealdeko zenbait puntutan eta arratsaldean maximoa 5-8ºC artekoak izango dira. Elurraren maila 500m inguruan egongo da baina apenas egingo du elurrik.


2012-12-01erako iragarpena:

Larunbaterako iragarpena

Hotz eta eguzkitsu. Goiza behe-laino eta izotzarekin hasiko dugu, orduak aurrera egin ahala, nahiz eta eguzkiari berotzea kosta, behe-lainoak jasoko du eta zeruan hodeiak eta ostarteak izango ditugu. Nafarroa hegoan oskarbi egongo da. Iluntzean lainoak ugaritzen hastea espero da, fronte bat gerturatzen hasiko zaigulako. Tenperatura minimoak jeitsi egingo dira eta maximoak zertxobait igo.

2012-12-02rako iragarpena

Iganderako iragarpena

Busti eta fresko. Mendebaldetik sartuko da frontea, eta goizean goizetik izango dugu euria bertan. Gainontzean goiza freskoa izango da baina azkar lainotuko du. Denean egingo du euria, gogorren ipar-partean. Elurra 1100m inguruan egingo du, baina baliteke frontea sartzen den unean beheragoko lekuetan ere egitea. Tenperatura zertxobait epelduko da, baina fresko egingo du oraindik.

IRAGARPENA ETA ASTE OSORAKO JOERA

2012-11-19rako Iragarpena:

Astelehenerako iragarpena

Eguzkitsu. Igandeko ezegonkortasuna pasata, goiza hotzetik hasiko dugu. Behe lainoa izango dugu ohiko tokietan eta barnealdeko hainbat tokitan ere izotza egingo du, batez ere, pirinioetan eta mendi inguruetan. Ipar partean hodeiak eta ostarteak tartekatuko dira eta hegoaldean zeru ia erabat oskarbi egongo da. Tenperatura minimoak nabarmen jeitsiko dira eta maximoak zertxobait igo.

2012-11-20rako Iragarpena:

Astearterako iragarpena

Egunez eguzkitsu, arratsaldean okertzen hasi. Hego mendebaldeko haizearekin tenperatura minimoak aurreko egunekoak baino altuxeagoak izango dira eta ez dugu izotz konturik izango ia inon. Egunez zerua eguzkitsu egongo da, baina orduak aurrera egin ahala mendebaldetik lainoak iristen joango dira. Atlantikoko fronte bat iritsiko zaigu iluntzean eta litekeena da eguna amaitu baino lehen Bizkaia eta Araban euria egiten hastea. Tenperaturak pixka bat igoko dira aurreko egunarekin alderatuz.

Aste osorako eguraldi joera:

Aste osorako joera

IRAGARPENA

2012-11-18rako Iragarpena:

Iganderako iragarpena

Euria goizez, hobetzen arratsaldez: Gauean pasako den fronteak euria utziko digu lurralde osoan, baina argitzerako euria ipar partean bakarrik izango dugu. Zaparrada arin-ertainak izango ditugu. Arratsaldetik aurrera, mendebaldetik hasita atertzen hasiko du. Tenperatura jeitsi egingo da, batez ere maximoak eta 12-14ºC tartean kokatuko dira. Tenperaturarekin batera elur maila ere jeitsiko da, eta 1300m tik gora egingo du elurra.

2012-11-19rako Iragarpena:

Astelehenerako iragarpena

Berriz ere giro atsegina. Goiza behe lainoa eta freskotasunarekin hasiko dugu. Izotza egin dezake pirinio eta mendialdean. Zeruan hodeiak eta ostarteak izango ditugu kantauri isurialdean eta oskarbi edo ia oskarbi egongo da ebro isurialdean. Hego mendebaldeko haizeak goi hodei batzuk ekarriko ditu egunaren amairarako. Tenperatura minimoak nabarmen jeitsiko dira eta maximoak zertxobait igo, 13-17ºC artean kokatuz.

IRAGARPENA

2012-11-13rako Iragarpena

2012-11-13rako Iragarpena

Giro fresko eta eguzkitsua. Goiza behe-lainoarekin hasiko dugu ohiko tokietan, gainera hau nahiko trinkoa izango da eta kosta egin diezaioke jasotzea. Barnealdeko puntu askotan izotza ere izango dugu. Egunaren gainontzeko orduetan eguraldi eguzkitsua. Iluntzerako goi hodei batzuek zerua zikindu dezakete. Tenperatura minimoak pare bat gradu egingo dute behera eta maximoak aurreko eguneko maila antzekoa hartuko dute.

2012-11-14rako Iragarpena:

2012-11-14rako Iragarpena

Eguzkitsua eta epela. Goizean behe laino txikia izango dugu ohiko lekuetan baina, aurreko egunetan baino azkarrago altsako du. Zerua ia erabat oskarbi izango dugu egun osoan eta lurralde osoan, baina arratsalderako hodei batzuk hurbilduko dira Nafarroako erribera eta Nafarroa ekialdera. Haizeak hego ekialdetik joko du eta tenperaturak asko epelduko ditu eguerdirako, maximoak 17-20ºCkoak izango direlarik.

Iragarpena eta aste osorako joera

2012-11-12rako Iragarpena:

Astelehenerako iragarpena

Fresko eta lehor. Igandeko ezegonkortasuna pasata goiza hodeitsu hasiko dugu, eta prezipitazio txikiren bat izan dezakegu oraindik puntu batzutan, batez ere Nafarroa ipar eta Ipar Euskal Herrian. Orduak aurrera egin ahala lainoak saretzen joango dira eta hodeiak eta ostarteak izango ditugu. Tenperaturei dagokienez minimoak jeitsi egingo dira eta maximoak mantendu egingo dira. Haizeak iparretik joko du.

2012-11-13rako Iragarpena:

Astearterako iragarpena

Goizean fresko, epel gero. Goiza behe lainoarekin hasiko dugu ohiko tokietan. Izotza ere egingo du, batez ere, Piriniotan eta mendi inguruan. Zerua ia erabat oskarbi egongo da lurralde osoan. Egunaren amairarako hegoaldetik goi hodei batzuk joango zaizkigu sartzen, zerua zertxobait zikinduko dutenak. Tenperatura minimoak 1-2ºC jeitsiko dira eta maximoak mantendu.

Aste osorako joera

Asterako joera

IRAGARPENA

2012-11-07rako Iragarpena

2012-11-07rako Iragarpen

Giro egonkorragoa. Egunak eguzkitsu argituko du toki gehienetan. Hainbat lekutan behe-lainoa izango dugu. Goiz lasai honen ostean hego sortaldeko haizea, lainoak ekartzen hasiko da. Hasieran goi-hodeiak zerua zertxobait zikinduko dutenak, baina orduek aurrera egin ahala lainotzen joango da, batez ere, hegoaldean. Azken orduan prezipitazio txikia egiteko probabilitatea dago, batez ere, Nafarroako erriberan. Tenperaturei dagoikienez, goiza hotza izango da eta pirinioetan eta barnealdeko puntu askotan izotza egingo du. Ondoren eguzkiak giroa epelduko du eta iluntzean ez du aurreko egunetako beste hoztuko.

2012-11-08rako Iragarpena

2012-11-07rako Iragarpena

Hego haize giroa. Zeruan erdi-mailako eta goi-mailako hodeiak izango ditugu. Beti ere lainotuago egongo da Ebro isurialdean. Prezipitazio txikia ere egin dezake lurralde osoan baina probabilitate handiagoa izango da lurraldearen hegoaldean. Tenperaturak aurreko egunarekin alderatuz, nabarmen igoko dira, minimoak 6-9ºC artean kokatuz eta maximoak 14-17ºC artean.