IRAGARPENA ETA ASTEKO JOERA

2013-02-04rako Iragarpena:

Astelehenerako iragarpena

Zaparradak eta epelago. Zeruan hodeiak eta ostarteak izango ditugu egun osoan zehar eta ipar partean zaparrada txiki batzuk izan genitzazke tarteka. Tenperaturak epelak izango dira, barneal dean 10-12ºC ingurukoak eta kostaldean 13-15ºC artekoak. Elurra piriniotako tontorretan bakarrik egingo du, 1800m inguruan. Haizeak mendebaldetik joko du.

2013-02-05erako Iragarpena:

Astearterako iragarpena

Aldaketa arratsaldean. Goiza aurreko egunaren tankerarekin hasiko da. Arratsaldean haizea iparrera aldatuko da eta hodeiak ekarriko ditu kostaldetik. Zaparrada mardulak botako ditu eta egunaren amaieran, ekaitzak eta kazkabarra ere izango dugu. Tenperatura nabarmen hasiko da jeisten arratsaldetik aurrera eta egunaren amaieran elurra 700m inguruan egingo du.

Asteko joera meteorologikoa:

Asteko eguraldi joera

IRAGARPENA ETA ASTEBURUKO JOERA

Ondorengo orduetan

Udaberi giroa: Eguraldiak atzoko joera bera eramango du, hego haizeak tenperaturak igoaraziko ditu eta berriz ere kostaldetik gertu 20ºC-ko tenperaturak ikusiko ditugu. Zerua nahiko garbi egongo da eta eguzkiaz gozatu ahal izango dugu.

2013-02-01erako iragarpena:

Ostiralerako iragarpena

Aldaketaren eguna: Eguerdirarte aurreko egunetako eguraldi bera izango dugu, hau da, tenperatura epela eta zerua eguzkitsu. Eguerdian haizea aldatu eta aldaketa handia nabarituko dugu. Zerua estali egingo da eta euria egiten hasiko da. Hasieran mendebaldean bakarrik baina iluntzerako ekialdera ere zabalduko da. Tenperatura nabarmen hasiko da jeisten eta gauerako hotz egingo du. 

Asteburuko joera meteorologikoa:

Asteburuko eguraldi joera

IRAGARPENA

2012-12-26rako Iragarpena

Asteazkenerako iragarpena

Hodei batzuk goizean, argitzen gero. Goizean giro hezea izango dugu lurraldearen ipar partean, eta behe lainoa agertu daiteke ipar parteran, hegoaldean argiago egongo da. Eguerditik aurrera ia denean joango da garbitzen eta arratsalde eguzkitsua espero dugu. Tenperatura fresko, maximoak 10-14ºC artean. Iluntzean hoztu egingo du.

2012-12-27rako Iragarpena

Ostegunerako iragarpena

Giro eguzkitsua, fresko goizean, epel eguerdian. Goiza freskurarekin eta behe lainoarekin hasiko dugu Euskal Herriko puntu askotan, gainera pirinioetan izotz txikia ere egin dezake. Eguerdirako garbituko du eta egun oskarbia geratuko da, nahiz eta hegoaldetik hainbat goi hodei iritsiko zaizkigun. Tenperatura maximoak 11-14ºC artean ibiliko dira lurraldearen zati gehienean.

2012-12-28rako Iragarpena

Ostiralerako iragarpena

Giro eguzkitsua eta epeltzen. Goiza freskurarekin eta behe lainoarekin hasiko dugu, baina aurreko eguntan baino behe laino gutxiago eta tenperatura altuagoa izango dugu. Eguna eguzkitsua izango da eta eguerdian tenperatura epelak hartuko ditu garai honetarako

IRAGARPENA ETA ASTEKO JOERA

2012-12-24rako Iragarpena

Asteleheneko iragarpena

Udaberri giroa egunez, aldaketa gauez. Eguberri bezpera eguna aurreko egunetakoak bezala udaberri giroa izango dugu. Goizean goizetik zeruak garbi egongo da eta tenperatura epela 8-11ºC artean. Eguerdirako eguzkiak eta hego mendebaldeko haizeak giroa berotuko dute eta berriz ere 20ºCren bueltan ibiliko dira tenperaturak kostaldean eta 16-18ºC artean barnealdean. Arratsaldean mendebaldetik hodeiak sartzen hasiko dira eta egunaren amaierarako tantaren bat eror daiteke mendebaldean

2012-12-25erako iragarpena

Astearterako iragarpena

Fronte batek zeharkatuko du lurraldea. Gauez iritsiko zaigu fronte hotza eta denean utziko digu prezipitazioa. Tenperaturak ere jeitsi egingo dira eta garai honetarako giro tenperatura izango dugu, maximoak 11-14ºC artean. Elur maila ere 1400 m ingurura jeitsiko da. Arratsaldean, frontea pasata hegoaldean atertu egingo du, baina ipar partean oraindik zaparradak izango ditugu. Egunaren amairarako hauek ere gutxitzen joango dira.

Asteko joera meteorologikoa;

Asteko eguraldi joera

ASTEBURUKO IRAGARPENA

2012-12-22rako Iragarpena

Larunbaterako iragarpena

Negu girorik ez. Neguko bigarren eguna eta honek ere ez du izango negu itxurarik. Goizean goizetik zerua ia oskarbi egongo da denean, laino gutxi batzuk salbu. Haizeak hego mendebaldetik joko du, nahiko gogor momentu batzuetan. Hego mendebaldeko haize honek tenperaturak igo araziko ditu eta tenperatura maximoak 15-18ºCren bueltan geratuko dira, beraz bero garai hauetarako

2012-12-23rako Iragarpena

Iganderako iragarpena

Negu usainik ezta ere. Goiz epel baten ondotik beste egun eguzkitsu bat. Zerua aurreko egunean bezala ia oskarbi egongo da, goi hodei batzuk kenduta. Haizea ere gogor samar ibiliko da hego mendebaldetik eta tenperaturak aurreko egunean baino 1-2ºC gehiago hartzea espero da. Maximoak 16-19ºC-ren bueltan ibiliko dira.

Arrasateko Santamas feriarako iragarpen berezia ikusi: Iragarpen berezia

IRAGARPENA ETA ASTEBURUKO JOERA

2012-12-20rako Iragarpena

Ostegunerako iragarpena

Hego mendebaldeko haize zakarra eta hodeitsu zaparrada batzuekin. Goizaldetik hasita, hego mendebaldeko haizeak gogor joko du Euskal Herrian. Hodeitza ekarriko digu hego mendebaldetik eta zaparradaren bat edo beste utziko digu nonahi, batez ere iluntzetik aurrera. Tenperatura epel ibiliko da, maximoak 13-18ºC artekoak izango dira.

2012-12-21erako Iragarpena

Ostiralerako iragarpena

Fronte bero baten bisita. Goizaldean, hego mendebaldetik fronte bat sartuko zaigu eta euria utziko digu lurralde osoan. Arratsaldetik aurrera ater uneak geroz eta luzeagoak izango dira eta iluntzerako euria egiteari utziko dio. Tenperatura ere oso epel egongo da, maximoak 13-17ºC artean kokatuz. Hego mendebaldeko haizea, aurreko egunetan baino lasaiago baina oraindik bizi.

Bilbo eta Donostiako San Tomas ferietarako iragarpen bereziak: Iragarpen bereziak

Asteburuko joera

Asteburuko aurrerapena

Arrasateko San Tomas feriarako iragarpen berezia: Iragarpen bereziak

IRAGARPENA

2012-12-19rako Iragarpena

Asteazkenerako iragarpena

Hego haizea indartzen. Gaueko frontea pasata, goizean oraindik zaparrada txikiren bat edo beste izan genezake ipar partean. Orduak aurrera egin ahal laino nahikotxo izango dugu baina eguzkia ikusteko aukera ere izango dugu, laino tarteetan. Hego mendebaldeko haizea indartu egingo da eta tenperaturak igoaraziko ditu, maximoak.

2012-12-20rako Iragarpena

Ostegunerako iragarpena

Haizea zakar. Ostegunean ere hego haize zakarra izango dugu. Goizean goizetik oso bizi ibiliko da eta hodeiak ekarriko dizkigu hego-mendebaldetik. Hodei hauek zaparrada batzuk utziko dizkigute, baina hauek nahiko arinak eta tartekatuak izango dira. Tenperatura epel mantenduko da, aurreko eguneko neurrietan, maximoak 14-18ºC artekoak.

IRAGARPENA ETA ASTEKO JOERA

2012-12-17rako Iragarpena

Astelehenerako iragarpena 

Egonkor. Frontea pasata giro atseginaz gozatu ahal izango dugu lurralde guztian. Goizean oraindik hainbat lekutan hodeiak izan genezake, baina azkar joango dira. Eguerdirako denean izango dugu giro nahiko garbia. Tenperaturak igandearekin alderatuz antzera ibiliko dira, agian zertxobait beherago. Maximoak 11-14ºC artean kokatuko dira.

2012-12-18rako Iragarpena

Asteraterako iragarpena

Hego haizearekin egonkor eta epel. Goizean hainbat lekutan behe lainoa izango dugu, baina azkar joango da, udazken giroko egun eder bat izateko. Tenperaturak pare bat gradu igoko dira aurreko egunekin alderatuz eta maximoak 13-17ºC artean markatuko dute. Iluntzean goi hodeiak joango dira heltzen hego mendebaldetik, hurrengo egunean bisitatuko digun frontea gerturatzen ari dela abisatuz.

Asteko joera meterologikoa

Asteko eguraldi joera

ASTEBURUKO IRAGARPENA

2012-12-15erako Iragarpena

Larunbaterako iragarpena

Eguraldiak treguatxoa. Larunbata egun lasaiagoa izango da aurreko egunekin alderatuz. Apenas egingo du euririk, eta egiten duena goizaldean egingo du. Eguneko gainontzeko orduetan hodeiak eta ostarteak izango ditugu, nahiz eta hodei gehiago egondo diren ostarteak baino. Tenperaturak antzera mantenduko dira, epel, baina haizeak epel sentsazioa gutxituko du.

2012-12-16rako Iragarpena

Iganderako iragarpena

Berriz ere okerrera. Goizean oraindik hego mendebaldeko haize zakarrarekin jarraituko dugu, baina eguerditik aurrera, fronte bat iritsi eta mendebaldera aldatuko da haizea. Euria etorriko da eta denean botako du, nahiz eta hegoaldean zaparradak txikiagoak eta tartekatuagoak izan. Tenperaturak berdintsu mantenduko dira, baina arratsaldean haize aldaketarekin beheranzko joera hartuko dute.

IRAGARPENA

2012-11-24rako Iragarpena:

Larunbaterako iragarpena

Hego mendebaldeko haizearekin. Goiza epel samar hasiko dugu, eta hego mendebaldeko haizeak tenperaturak epel mantenduko ditu, aurreko eguneko antzera. Zeruan hodeiak eta ostarteak izango ditugu, baina lainotzen joango da eta zaparradaren bat edo beste bota dezake edozein lekutan, baina probabilitate gehiagorekin mendebaldean. Hego mendebaldeko haizea, mendi gailurretan eta haizelekuetan gogor ibiliko da.

2012-11-25erako Iragarpena:

Iganderako iragarpena

Lainotuago eta euritarako joera gehiago. Hego mendebaldeko haizea zertxobait baretuta egongo da igandean. Hego mendebaldetik hodeiak ekarriko dizkigu eta arratsaldetik aurrera euritarako joera nahiko nabaria izango da eta zaparradak botako ditu han hemenka. Tenperaturak antzera mantenduko badira ere, arratsaldetik aurrera freskatzeko joera nabaria izango da. Aldaketaren atarian.

IRAGARPENA

2012-11-23rako Iragarpena:

Ostiralerako iragarpena

Epel hego mendebaldeko haizearekin. Goiza fresko samarra izango bada ere, ostiralean tenperatura goxoez gozatu ahal izango dugu aurkitzen garen garairako. Zeruan goi eta erdi mailako hodeiak tartekatuko dira, beraz ostarteak izango ditugu lurralde osoan. Iluntzerako laino gehiago. Tenperatura minimoak gora eta maximoak mantendu egingo dira.

2012-11-24rako Iragarpena:

Larunbaterako iragarpena

Epel hego mendebaldeko haizearekin, baina lainotuago.  Larunbata aurreko egunen ildo beretik joango da, baina atlantikoko depresio gunea hurbilago izango dugunez, hodeiak bidaliko dizkigu hego mendebaldetik. Hauek, arratsaldetik aurrera zaparradaren bat edo beste utzi ahal izango digute edozein puntutan. Tenperatura minimoak aurreko egunetan baino goxoagoak eta maximoak aurreko egunen berdintsu. Aldaketa baten atarian aurkituko gara.

IRAGARPENA ETA ASTE OSORAKO JOERA

2012-11-19rako Iragarpena:

Astelehenerako iragarpena

Eguzkitsu. Igandeko ezegonkortasuna pasata, goiza hotzetik hasiko dugu. Behe lainoa izango dugu ohiko tokietan eta barnealdeko hainbat tokitan ere izotza egingo du, batez ere, pirinioetan eta mendi inguruetan. Ipar partean hodeiak eta ostarteak tartekatuko dira eta hegoaldean zeru ia erabat oskarbi egongo da. Tenperatura minimoak nabarmen jeitsiko dira eta maximoak zertxobait igo.

2012-11-20rako Iragarpena:

Astearterako iragarpena

Egunez eguzkitsu, arratsaldean okertzen hasi. Hego mendebaldeko haizearekin tenperatura minimoak aurreko egunekoak baino altuxeagoak izango dira eta ez dugu izotz konturik izango ia inon. Egunez zerua eguzkitsu egongo da, baina orduak aurrera egin ahala mendebaldetik lainoak iristen joango dira. Atlantikoko fronte bat iritsiko zaigu iluntzean eta litekeena da eguna amaitu baino lehen Bizkaia eta Araban euria egiten hastea. Tenperaturak pixka bat igoko dira aurreko egunarekin alderatuz.

Aste osorako eguraldi joera:

Aste osorako joera

IRAGARPENA ETA ASTEBURURAKO JOERA

2012-11-15erako Iragarpena:

2012-11-15erako Iragarpena

Lehor eta epel: Aurreko eguneko ildo berarekin jarraituko dugu. Zerua ia erabat oskarbi egongo da denean, batez ere, egunaren partean. Iluntzerako hego ekialdeko haizeak hodei batzuk ekarriko dizkigu, batez ere, lurraldearen hegoaldera eta nafarroa ekialdera. Azken orduan pirinio inguruan tantaren bat erortzeko probabilitate txikia dago. Goizeko minimoak aurreko egunekoak baino 4-5ºC altuagoak izango dira eta maximoak bere horretan mantenduko dira, 18-20ºCren bueltan.

2012-11-16rako Iragarpena

2012-11-16rako Iragarpena

Aldaketaren atarian. Goizak aurreko egunetako tankera izango du. Zeruak nahiko garbi, eta tenperatura epelarekin. Orduak aurrera egin ahala hego-mendebaldeko haizeak hodeiak ekarriko dizkigu, eta zeruan hodeiak eta ostarteak izango ditugu. Iluntzerako zaparrada txikiren bat eror daiteke piriniotan edota lurraldearen hegoaldean. Tenperaturak berdin mantenduko dira.

Astebururako joera:

Astebururako joera

Iragarpena

2012-11-14rako iragarpena

2012-11-14rako iragarpen

Lehorra eta eguerdian beroa. Goiza fresko hasiko dugu baina ez dugu izotz konturik izango. Behe-lainoa sortu daiteke tokirik ozpelenetan baina aurreko egunekoak baino lehenago altxako du. Goizak aurrera egin ahala tenperatura dexente igoko da eta maximoa 17-20ºC inguruan kokatuko dira. Arratsaldetik aurrera, mediterranioko depresio guneak goi-hodei batzuk bidaliko dizkigu Erribera eta Nafarroa ekialdera. Iluntzean ez du horrenbeste freskatuko.

2012-11-15erako Iragarpena

2012-11-15erako iragarpena

Beroa eguerdian, lainoak ugaltzen arratsaldean: Aurkitzen garen garairako goiz epela izango dugu. Tenperatura minimoa 7-12ºC ingurukoak izango dira. Eguerdian eguzkiak ederki goxatuko du airea eta maximoa berriz ere 20ºC ingurutik gertu ibiliko dira. Iluntzerako atlantikoan aurkitzen den depresio gune batek goi hodeiak bidaliko dizkigu lurraldearen hegoaldera eta nafarroa hegoan eta pirinioetan zaparradatxoren bat izateko probabilitate txiki bat dago.

IRAGARPENA

2012-11-13rako Iragarpena

2012-11-13rako Iragarpena

Giro fresko eta eguzkitsua. Goiza behe-lainoarekin hasiko dugu ohiko tokietan, gainera hau nahiko trinkoa izango da eta kosta egin diezaioke jasotzea. Barnealdeko puntu askotan izotza ere izango dugu. Egunaren gainontzeko orduetan eguraldi eguzkitsua. Iluntzerako goi hodei batzuek zerua zikindu dezakete. Tenperatura minimoak pare bat gradu egingo dute behera eta maximoak aurreko eguneko maila antzekoa hartuko dute.

2012-11-14rako Iragarpena:

2012-11-14rako Iragarpena

Eguzkitsua eta epela. Goizean behe laino txikia izango dugu ohiko lekuetan baina, aurreko egunetan baino azkarrago altsako du. Zerua ia erabat oskarbi izango dugu egun osoan eta lurralde osoan, baina arratsalderako hodei batzuk hurbilduko dira Nafarroako erribera eta Nafarroa ekialdera. Haizeak hego ekialdetik joko du eta tenperaturak asko epelduko ditu eguerdirako, maximoak 17-20ºCkoak izango direlarik.