IRAGARPENA

2012-11-16rako Iragarpena:

Ostiralerako iragarpena

Eguraldi epel eta egonkorra, aldaketaren atarian. Eguraldiak aurreko egunetako tankera izango du. Goiza oskarbi hasiko da, behe-laino txikia dagoen tokietan salbu. Orduak aurrera egin ahala hegoaldetik hodeiak sartzen hasiko dira, aurreko egunetan baino gehiago, eta iluntzerako goiko hodeiek zerua zikinduko dute. Pirinio inguruan zaparrada txikiren bat izan dezakegu azken orduan. Tenperatura, egun hauetako ildo beretik

2012-11-17rako Iragarpena:

Larunbaterako iragarpena

 Aldaketa eguna. Zerua hodeitsu egongo da, batez ere eguerditik aurrera eta zaparradak izango ditugu nonahi eta noiznahi, baina, ez da egun oso euritsu bat izango. Arratsalde-iluntzetik aurrera haizeak hegotik mendebaldera biratuko du eta momentu hortatik aurrera zaparradak mardulagoak izango dira ipar partean. Tenperaturak antzeko mantenduko dira, baina maximoak 2-3ºC jeitsiko dira eta minimoak mantendu.